တောင်ငူရာဇ၀င်(၂)

တောင်ငူရာဇ၀င်(၂)
မုဆိုးကရင်ဘ
ထီးလှိုင်အသည်သား ငတက်ခါးသည် မုဆိုးအမှုကိုပြုရန် တောသို့သွားသဖြင့်တစ်နေ့သောအခါ မိမိဝတ်သောအင်္ကျီကိုချွတ်၍
မြေတွင်ခေတ္တပုံထားရာ မြွေငန်းကြီးတစ်ကောင်သည် အင်္ကျီပေါ်သို့တတ်လျက် ခွေနေသည်ကို ကရင်ဘမြင်လေလျှင် ချောက်လှန့်ရာ
မြွေငန်းကြီးသည် ရှုးရှုးဟူသောအသံကိုပြုလျက်တောင်အရပ်သို့ ထွက်သွားလေ၏။ ဤအကြောင်းကို ထီးလှိုင်ဆရာတော်အားလျှောက်ထား
လျှင် ဆရာတော်က သင်သည်မြေငန်းသွားသော တောင်အရပ်သို့ပြောင်းရွေ့သွားလျှင် မုချသူကောင်းဖြစ်လတံ့သော ပုဗ္ဗနိမိတ်ဖြစ်လိမ့်မည်
ငါထင်သည်။ မကြာခင် ပြောင်းသွားလေဟုဆိုသောကြောင့် ထီးလှိုင်ဆရာတော်စကားကို လွန်စွာယုံကြည်သဖြင့် ထီးလှိုင်အရပ်မှတောင်ဘက်
ဖြစ်သော ကင်းသာအရပ်သို့ပြောင်းနေသောအခါ သ၀န်ညီနောင်နှင့်တွေ့ကြ၍ ကတိသစ္စာခြင်း ခံကြရလေသည်။
မုဆိုးငတတ်ခါးကို က၇င်ဘဟုခေါ်ခြင်းကား မိဘသေဆုံးသွားသောကရင်မငယ်တစ်ယောက်ကို ကောက်ယူမွေးစားထားသောကြောင့်
၎င်းတို့လင်မယားကိုကရင်ဘ ကရင်မိဟုခေါ်တွင်လေသည်။
သ၀န်ကြီးသည်ကား လပြည့်လကွယ်နေ့တိုင်း နောက်လိုက်နောက်ပါတို့နှင့်တကွ မြတ်စောညီနောင်စေတီတော်၊ ရှင်ပင်ကျောက်
ဆောက်စေတီတော်တို့ကိုဖူးမျှော်လှူဒါန်းပူဇော်ရန်ထွက်လေ့ရှိသည်။ အခါတစ်ပါးသ၀န်ကြီးဘုရားဖူးသွားရာတွင် ညီသ၀န်ငယ်လုပ်ကြံ၍
အနိစ္စရောက်လေသည်။ သ၀န်ကြီးသည် အိမ်နိမ့်(၂၀)နှစ်နှင့်နန်းစည်းစိမ်(၁၈)နှစ်၊သက်တော်(၃၈)နှစ်သက္ကရာဇ်(၆၇၉)တွင်အနိစ္စရောက်
လေသတည်း။
သ၀န်ငယ်
သ၀န်ကြီးအနိစ္စရောက်လျှင် ထိုသက္ကရာဇ်တွင်မှာပင် တောင်ငူကို သ၀န်ငယ်အုပ်စိုးလေသည်။ဆိုအခါ ကရင်ဘကိုမုဆိုးနေရာမှ
ခေါ်တော်မူ၍ မြို့ကွပ်အရာကိုပေးလေ၏။ သ၀န်ငယလည်းများစွာသောကုသိုလ်ကောင်းမှု့ကိုပြုလျက် အိမ်နိမ့်(၃၆)နှစ်၊စည်းစိမ်(၇)နှစ်
စိုးစံ၍သက်တော် (၄၃)နှစ်၊ သက္ကရာဇ်(၆၈၆)ခုနှစ်တွင် အနိစ္စရောက်လေသည်။
မိဖုရားစောစလာနှင့်သားစောနှစ်
သ၀န်ငယ်မရှိလေလျှင် (၉)နှစ်သားဖြစ်သော သားတော်စောနှစ်နှင့် သ၀န်ငယ်၏မိဖုရားစောစလာတို့ကို ကရင်ဘက ကြည့်ရှု့
စောင်မလိက်မင်းပြုစေ၏။ ကရင်ဘမှာမူကား မြို့ကွပ်အရာနှင့်ပင်နေလေသည်။မြို့ကွပ်ကရင်ဘသည် မိဖုရားသားအမိတို့ကို ကျေးဇူး
သစ္စာမဖျက်ပဲ မင်းမြှေက်၍ပေးငြားသော်လည်း မိဖုရားကမူကား စိတ်မဖြောင့် ကျေးဇူးမသိပဲနှင့် သတ်လိုသောအကြံကိုကြံသည်။
ကရင်ဘသည်မြို့ကွပ်ဖြစ်သော်၍သြဇာအာဏာလည်းကြီး၏။အမှုထမ်းလက်နက်ကိုင်တို့လည်းသူ၏လက်အတွင်းမှာရှိ၏။ ငါတို့သားအမိ
ကိုခေတ္တသာမင်းမြှောက်ထားလေသည်။နောင်ငါတို့သားအမိကိုပယ်၍မင်းလုပ်လိမ့်မည်။သူမသတ်ခင် ငါကဦးစွာသတ်မှတော်မည်ဟု
စေတီတစ်ဆူတည်ပြီးလျှင် အနုမောဒနာပြုမည်ဟု ကရင်ဘကိုအခါခါဖိတ်ခေါ်စေလျှက်၊ကရင်ဘလာလျှင် အဆင်သင့်လုပ်ကြံရန်
ဓါးလှံတို့ကိုအဆင်သင့်မြှုပ်နှံလျက်စောင့်နေလေ၏။
ကရင်ဘလည်းဘုန်းကံရှိသူဖြစ်၍ မိဘုရားအခါခါခေါ်ဖန်များလာလျှင်မိမိလူယုံတစ်ယောက်ကိုစေ၍ အမှတ်မထင်ကြည့်စေသော်
ဓါးလှံမြှုပ်လျက်လူစောင့်တို့ကိုတွေ့မြင်လျှင် ကရင်ဘထံသို့ အကြောင်းကိုပြောကြားလေလျှင် ကြောက်ရွံ့ထိတ်လန့်သည်နှင့် စုရုံးမိသမျှ
သောသူတို့ကိုခေါ်၍ မြို့တွင်းသို့ ၀င်ပြေးပြီးလျှင်အကြပ်အတည်း တံခါးပိတ်လျက်နေကြကုန်၏။
ကရင်ဘလည်း မိန်းမနှင့်ယောက်ျားဖြစ်၍ အဆောတလျင်မလိုက်ဘဲမြို့ပြင်ကသာ ၀ိုင်းဝန်းခြံရံကာ အကြပ်အတည်းနေကြသော
ကြောင့်၊တစ်နှစ်ကြာလျှင် မြို့တွင်းသားတို့ အနေကျဉ်းကြပ်ကြသည်နှင့်တံခါးကို ဖွင့်ပေးကြလေလျှင် ၄င်းသားအမိကိုပယ်ရှားလျက်
သက္ကရာဇ်(၆၈၇)ခုနှစ်တွင် ကရင်ဘအုပ်စိုးလေသည်။
ကရင်ဘတွင်ကာသားယောက်ျားလေးမရှိ သမီးတစ်ယောက်သာရှိသည်။ ၄င်းသမီးကို လက်ျာဇေယျပျံချီနှင့် လက်ထပ်၍
သမက်ပြုလေသည်။ ကရင်ဘမင်းသည် အရှေ့ဘက်သို့ပြောင်းရွေ့လျက် (ဒွါရာဝတီ)မြို့ကိုတည်၍စံလေ၏။ ကရင်ဘသည် အရွယ်ငယ်စဉ်
ကအကုသိုလ်အမှုနှင့် မုဆိုးလုပ်ဖူးသော်လည်း ယခုမင်းဖြစ်သည့်အခါ တရားနှင့်အညီ အုပ်စိုးသည့်အတွက် မြို့ရွာတိုးတတ်စည်ကား
သည်နှင့် မြတ်စောညီနောင်၊ရှင်ပင်ကျောက်ဆောင်စေတီတို့ကို ပြုပြင်တော်မူ၍ ရွှေလုံးပြည့်ချတော်မူသည်။ ဤကဲ့သို့ ကုသိုလ်ကောင်းမှု
တို့ကိုများစွာပြုလျက် အိမ်နိမ့်(၇၃)၊စည်းစိမ်(၁၇)နှစ်၊သက်တော်(၉၀)ပြည့်တွင် ဒွါရာဝတီမြို့တော်တွင် အနိစ္စရောက်လေသည်။
လကျာ်ဇေယျပျံချီ
ကရင်ဘအနိစ္စရောက်လျှင် ၄င်းသားမက်လက်ျာဇေယျပျံချီ မင်းပြုလေသည်။ ၄င်းမင်းလည်းမြတ်စောညီနောင်စေတီတော်၊
ရှင်ပင်ကျောက်ဆောက်စေတီတော်များကို ရွှေလုံးတော်ပြည့်ချတော်မူလေသည်။ ၄င်းမင်းဖြစ်၍(၂)နှစ်ရှိလျှင်ညီတော် ထောက်လှေခါး
လုပ်ကြံ၍အနိစ္စရောက်လေသည်။
ထောက်လှေခါး
လက်ျာဇေယျပျံချီ အနိစ္စရောက်လျှင် ၄င်းညီထောက်လှေခါးမင်းပြုလေ၏။၎င်းထောက်လှေခါးမင်းပြု၍ (၁)နှစ်နှင့်(၉)လ
ရှိလျှင် သိန်းပကားလုပ်ကြံ၍ သက္ကရာဇ်(၇၀၈) ခုနှစ်တွင်မင်းပြုလေ၏။
ထိုမင်း၏သားဖြစ်သော ပျံချီကြီးသည် ဘခင်သိန်းပကားမင်းနှင့် အနေအထိုင်၊အသွားအလာ သဘောမတူကြသောကြောင့်
တိတ်တဆိတ်ထွက်သွား၍ပဲခူး၌နေလေ၏။သိန်းပကားမင်း စည်းစိမ်(၁၇)နှစ်၊သက္ကရာဇ် (၇၂၅)ခုနှစ်တွင် အနိစ္စရောက်လေ၏။
တောင်ငူရာဇ၀င်တွေကကျန်သေးတယ်ရှင့်...ဆက်ရေးပါဦးမယ်..

တောင်ငူရာဇ၀င်အကျဉ်းချုပ်...

ဒီတောင်ငူရာဇ၀င်အကျဉ်းချုပ်ကိုဆရာဦးအောင်ခင်ရေးသားတဲ့မြတ်စောညီနောင်စေတီတော်သမိုင်းနှင့်
တောင်ငူရာဇ၀င်စာအုပ်မှပြန်လည်ဖော်ပြခြင်းဖြစ်ပါတယ်။ အကျဉ်းချုပ်ဆိုပေမယ့်တော်တော်များလို့အခန်းဆက်ရေးခွင့်ပြုကြပါ။
တောင်ငူရာဇ၀င်(၁)
သက္ကရာဇ်(၅၅၃)ခုနှစ်တွင်၊ပုဂံမင်း(၄၈)ဆက်မြောက် နရပတိစည်သူမင်းသည်၊ တိုင်းခွင်လှည့်လည်တော်မူလာရာ၊
ဤအရပ်သို့ရောက်လေသော်အနန္ဒသူရိယအမတ် ရန်မန်ထွေးကို ဇေယျသင်္ခမင်းသား၏နှမတော်နှင့်စုံဖက်၍
(၅၅၆) ခုနှစ်တွင် ဆွာချောင်း၏မြောက်ဘက် ကမ်းပါးပေါ်ရှိ ကမ်းပါးမြင့်ရွာကို အပိုင်စားပေးတော်မူခဲ့လေသည်။
၎င်းအနန္ဒသူရိယ၏သား-မင်းလှစော၊ မင်းလှစော၏သား-သ၀န်လက်ျာဖြစ်လေသည်။
ပေါက္ကံနန်းရိုးဖြစ်သော သ၀န်လက်ျာသည်၊ ပေါက္ကံမြို့မှ လာရောက်၍ ဆွာချောင်းမြောက်ဘက်တွင် ရွာတည်၍နေဆဲ၊
၎င်းသ၀န်လက်ျာသည် ရွာနေလူအပေါင်းကို ပေးကမ်းမစခြင်း၊အခွန်အတုတ်နည်းပါးခြင်းတို့ကို အရပ်ရပ်က သတင်းစကားကြားသိလေလျှင်
ထိုရွာသို့ပြောင်းရွေ့လာရောက်၍နေထိုင်ကြလေသော် မကြာမီ ရွာစည်ကားလာသောကြောင့်၊ဘေးဆီးရန်ကာအလို့ငှါ ရွာကိုပတ်မိလေအောင်
ကြခတ်ဝါးပင်တို့ကို ထူထပ်စွာစိုက်ကြလေ၏။ကြခတ်ပင်တို့ဖြင့် ၀န်းရံနေသောကြောင့်(ကြခတ်ဝါးရံရွာ)ဟုသမုတ်ကြလေ၏။ရွာသည်
တစ်နေ့တစ်ခြားစည်ကားလာသဖြင့် သုံးကြိမ်တိုင်တိုင်ချဲ့ထွင်ကာ မြို့ရိုးကဲ့သို့စိုက်စေပြီးမှ(ဝေဠုဝတီမြို့)ဟုသမုတ်ကြလေ၏။
၎င်းမြို့သည်အလွန်တရာစည်ကားကြောင်းကို အရပ်လေးမျက်နှာမှ လူအများ မှီခိုလာကြောင်းကို ရာမညတိုင်း ဟံသာဝတီ၊ မုတ္တမတိုင်အောင် သတင်းစကား ကျော်ကြားလေလျှင် သက္ကရာဇ်(၉၀၉) ခုနှစ်၊ရာမညတိုင်း၊မုတ္တမပြည်က တလိုင်းဝါရီရှုမင်းဗိုလ်ပါအများနှင့် ဆန်တတ်လာရောက်တိုက်ခိုက်ပြီးမှ သ၀န်လက်ျာ သမီးမောင်နှံသ၀န်ညီနောင် နို့စို့နို့ညှာတို့ကိုပါ
ဖမ်းယူ၍ ရွှေကျင်အောက် ဖြူးအုတ်ဖိုရွာတွင်အစောင့်အရှောက်နှင့် အကျယ်ချုပ်ထားခဲ့လေ၏။
ဤအရပ်၌နေကြ၍ သ၀န်ညီနောင် အရွယ်သို့ရောက်လေလျှင် အဘသ၀န်လက်ျာသည်းစွာသော အနာရောဂါရောက်သည်နှင့်
ပျက်စီးခါနီးတွင် သား-သ၀န်ညီနောင်တို့ကိုခေါ်၍ မှာထားခဲ့သည်မှာ အမောင်တို့ ငါအဘသည်သေမင်းနိူင်ငံသို့ လိုက်ပါရတော့မည်။
ယခုဤအရပ်သည် ငါတို့မူလနေသောအရပ်မဟုတ်၊မွန်တို့နေသောရာမညတိုင်းဖြစ်သည်။ငါတို့အမျိုးကားမင်းမျိုးတည်း၊ သင်တို့ကြီးစိုး
လိုလျှင်ဤအာသာဝတီ ပေါင်းလောင်းမြစ်ကိုဆန်တက်၍ လက်ဝဲဘက်က ခပေါင်းချောင်းဝရှိလေသည်။ ၄င်းခပေါင်းချောင်းကို ဆန်တက်သွားသော် မင်းဝံ တောင်စွန်း တောင်ငူငယ်ကို တွေ့လိမ့်မည်။ ထိုအရပ်သို့မောင်တို့သွား၍ မြို့ရွာတည်ထောင်လျက် ကြီးစိုးကြ
လေဟု မှာထားတော်မူပြီးမှ အနိစ္စရောက်လေ၏။
ဤသို့ သား-သ၀န်ညီနောင်တို့ကို အဘ-သ၀န်လက်ျာက မှာထားသောအကြောင်းကို ဖြူးအုတ်ဖိုရွာနှင့်တကွ အနီးအပါး ရွာသူရွာသားတို့ ကြားသိကြလေ၏။ သ၀န်ညီနောင်တို့ကလည်း ရပ်သူရွာသားအပေါင်းတို့အား သင်တို့သည်ဤအရပ်မှာမနေလို၍
ငါတို့ ကြီးစိုးရာအရပ်သို့ လိုက်လိုကြပါလျှင် ရင်းနှီးရန်ငွေကြေးလည်း မစမည်။ အခွန်အတုတ်မရှိ ချမ်းသာစွာနေကြရမည်ဟုပြောလေလျှင်
လိုက်လိုသည့်အိမ်ထောင်ပေါင်း (၃၇၀) စည်းဝေမိပြီးခလျှင် သ၀န်ညီနောင်တို့လည်းလိုက်လိုသည့် အိမ်ထောင်ပေါင်း (၃၇၀)တို့ကို
လှေဖောင်အသီးသီးလုပ်ကြစေ၍ နေ့ရက်ကောင်းသောအခါ သက္ကရာဇ် (၆၄၀) ပြည့်နှစ်တွင် ချောင်းလုံးပြည့်မျှ အာသာဝတီ ပေါင်းလောင်း
မြစ်ကိုဆန်တက်ခဲ့ကြလေ၏။
ဤသို့ဆန်တက်ခဲ့ကြ၍ လက်ဝဲဘက် ခပေါင်းချောင်းဝကို မြင်လေလျှင်ဤချောင်းသည်ကား ငါတို့အဘမှာထားခဲ့သော ချောင်းပင်
ဖြစ်ပေလိမ့်မည်ဟု ခပေါင်းချောင်းဝသို့ဝင်၍ ဆန်တက်ခဲ့ကြရာ မင်းဝံတောင်ရိုး တောင်ငူငယ်ကိုတွေ့မြင်ကြရလေ၏။ မြို့ရွာတည်ထောင်ရန်
ညီညွတ်သောမြေကွက်ကို ရှာဖွေကြလေလျှင် မုဆိုးကရင်ဘဆိုသူနှင့် တွေ့ကြ၍ အမောင်တို့ အဘယ်ကိုရှာကြသနည်းဟုမေးရာ
သ၀န်ညီနောင်တို့ကလည်းမြို့ရွာတည်ထောင်နေထိုင်ကြရန် ကောင်းသောမြေကွက်ကိုရှာပါသည်ဟု ပြောကြ၍ သ၀န်ညီနောင်နှင့်
ကရင်ဘသုံးယောက်တို့သည် တစ်ဦးနှင့်တစ်ဦး ကူညီမစပါမည်ဟုကတိသစ္စာထားကြပြီးလျှင် ညီညွတ်သန့်ရှင်းသောမြေကို ကရင်ဘ
ညွန်ပြသောကြောင့် ၄င်းနေရာ၌ မြို့ရွာတည်ထောင်ကြ၍ ၄င်းမြို့ကို (ဓည၀တီ)မြို့ ဟုသမုတ်ကြလေ၏။ ၄င်းမြို့ကို သ၀န်ကြီးပင်အုပ်ချုပ်
၍ သ၀န်ငယ်ကား မြို့ကွပ်၊ ကရင်ဘကား မုဆိုးလုပ်လျက်ပင်နေကြလေသတည်း။