မင်္ဂလာပါ...

မင်္ဂလာပါ............. ကျနော်တို့ရဲ့တောင်ငူဘလော့လေးကို ဒီထက်ပို၍ကောင်းမွန်စေလာရန် ကြိုးစားလျက်ရှိပါတယ်.. ဘလော့ဆိုတာထက် အွန်လိုင်းပေါ်က မဂ္ဂဇင်းသဖွယ်နယ်ပယ်တစ်ခု ရလာစေရန် ရည်ရွယ်ထားပါတယ်.. ထို့ကြောင့် အကြံပေးလို၊ ထောက်ပြဝေဖန်လိုသည်များရှိသော် info@taungoo.net သို့ အီးမေးလ်ပို့၍ အကြံများပေးနိုင်ပါတယ်ခင်ဗျား....



တောင်ငူဘလော့ရဲ့ပျော်ရွှင်ဖွယ်ရာလေးတစ်ခုဖန်တီးလိုက်ပါပြီ။
ဒီနေရာမှာကလစ်နှိပ်ပြီးပျော်ရွှင်ဖွယ်ရာ မေးခွန်းလေးတွေမေးရင်း အဖြေကို စောင့်ကြည့်ကြပါစို့ ...

ကျေးဇူးပြုပြီး မေးခွန်းများသာမေးပေးစေလိုပါတယ်


ကျွန်တော်ပြောချင်နေတဲ့ စကားတွေက

4/7/08

်သင်္ကြန်ရောက်တော့မယ်ဆိုတော့ ကျွန်တော့ရင်တွေဟာ ပြန်လည်စိုစွတ်လာတယ်။ တစ်ချိန်က ကျွန်တော်ရင်ထဲမှာ ပိတောက်ပင်လေးတစ်ပင် ပျိုးခဲ့ဖူးတယ်....။ ကျွန်တော် ကိုယ်တိုင် တယုတယနဲ့ပေါ့....။ ကျွန်တော့်ရဲ့ ပိတောက်လေးဟာ
အ၀ါရောင်နှုတ်ခမ်းပါးလေးတွေနဲ့ တစ်ကိုယ်လုံး ၀ါထိန်လန်းဆန်းလို့....။ ကျွန်တော့် ရဲ့ ပိတောက်လေးဟာ သင်္ကြန်တစ်ခေတ်လုံးကို ၀ါထိန်စေခဲ့တာပါ.....။ ကျွန်တော့် ကို ထင်ဟပ်တဲ့ ပိတောက်ရဲ့သွေးတွေက အ၀ါရောင်၊ ကျွန်တော့် ကိုယ်ထဲမှာ စီးဆင်းနေတဲ့ သွေးတွေကလည်း အ၀ါရောင်....၊ ကျွန်တော်နဲ့ပိတောက် အများ တကာ မနာလိုလောက်အောင် လူ့ယဉ်ကျေးမှုတွေထဲ အတူ ဖြတ်သန်းခဲ့ကြတယ်။
ပိတောက်က ပိတောက်ပန်းလေးပန်ထားတဲ့နေ့က ကျွန်တော့် တစ်ကိုယ်လုံး ပိတောက်ရနံ့တွေနဲ့ ထုံသင်းမွှေးကြိုင်လန်းဆန်းခဲ့ဖူးတယ်....။ကျွန်တော်နဲ့ ပိတောက် သင်္ကြန်မိုးဖွဲလေးတွေအောက်မှာ ပိတောက်ပန်းတွေ ဖူးဝေခဲ့ဖူးတယ်...။
ကျွန်တော့် အခန်းကျဉ်းလေးထဲမှာ မိုးလေမလုံတဲ့ ကျွန်တော့် ကဗျာစာအုပ်တွေရယ်၊
နေ့စဉ်ဖျားနာနေကျ ကျွန်တော့်ရဲ့ ဒိုင်ယာရီလေးရယ်၊ ပိတောက်အတွက် ဂစ်တာ လေးတစ်လက်ရယ်၊ ကျွန်တော်ကိုယ်တိုင် နစ်မြှပ်ရေးဆွဲထားတဲ့ ပိတောက်ရဲ့ ပန်းချီကားလေးရယ်နဲ့ အခန်းလေးက ပိတ်လှောင်မွန်းကြပ်လို့ ... ... ... ။
ကျွန်တော့်ကတော့ သေချာမှုတွေအထပ်ထပ်နဲ့ ပိတောက်ကို ချစ်ခဲ့တာပါ...။
ကျွန်တော်နဲ့ ပိတောက် တစ်မိုးအောက်ထဲမှာ နံနက်စာအတူစားနိုင်ဖို့ ကျွန်တော် ကြိုးစားခဲ့တယ်...။ ဒါပေမယ့် အရာရာဟာ အိပ်မက်တစ်ခုလိုပဲ နံနက်ခင်းတွေကြား မှာ မှုန်ရီဝိုးတစ်ဝါးနဲ့ လမ်းပျောက်ခဲ့တယ်...။ အခန်းတံခါးကို ဖွင့်လိုက်တာနဲ့ ပိတောက်ရနံ့က ရင်ကိုလာဆောင့်တယ်...။ အဲဒီတစ်လော ပိတောက် တွေတွေငေး ငေးလေး ဖြစ်တက်လာတယ်....။ ကျွန်တော့်ရင်ခွင်ကို တွန်းဖယ်တက်လာတယ်...။
ကျွန်တော် လိုက်မမှီနိုင်လောက်တဲ့ နောက်ဆုံးပေါ်ကားအသစ်တွေအကြောင်း ပြောတက်လာတယ်...။ ကျွန်တော်နဲ့ အတူမကြည့်ဖူးတဲ့ ရုပ်ရှင်ကားအသစ်တွေ အကြောင်းပြောတက်လာတယ်...။ တဖြည်းဖြည်းနဲ့ ကျွန်တော်တို့နှစ်ယောက်ရဲ့ ညနေတွေက တစ်ချိန်ကလို စည်ကားမှုမရှိလာတော့ဘူး...။ ကျွန်တော်က ချစ်ခြင်း မေတ္တာအကြောင်း ပြောပြတယ်၊ ပိတောက်က ဈေးကွက်စီးပွားရေးစနစ်အကြောင်း ပြန်ပြောပြတက်လာတယ်...။ ကျွန်တော်က ကျွန်တော့်ရင်ထဲက ပိတောက်ပန်းလေး အကြောင်း ပြောပြတယ်၊ ပိတောက်က ပုံတူမျိုးပွားနည်းအကြောင်း ပြန်ပြောပြတက် လာတယ်...။ ကျွန်တော်က မာသာထရီဆာအကြောင်း ပြောပြတယ်၊ ပိတောက်က ဟစ်တလာအကြောင်း ပြန်ပြောပြတက်လာတယ်...။ လေပြည်တစ်ချက် တိုက်ခတ် လိုက်ရုံနဲ့ ကြွေကျလိုက်ဖို့ သတ္တိတွေ ပိတောက်မှာ ရှိတက်လာတယ်....။ ကျွန်တော့် ရဲ့ လိုအပ်ချက်က ပိတောက်ဖြစ်ပြီး ပိတောက်ရဲ့ လိုအပ်ချက်က ကျွန်တော် မဖြစ်ခဲ့ တော့ဘူး....။ ကျွန်တော့်ရဲ့ အခန်းလေးကို မခေါက်ဘဲနဲ့ ပိတောက်က ကျွန်တော့် ဘ၀နဲ့ အဝေးကို တိတ်တိတ်လေး ထွက်သွားခဲ့တယ်...။ နွေက ပူလောင်လှရဲ့...။ ကျွန်တော့်ရဲ့ ညတွေဟာ လင်းလိုက်၊ မှောင်လိုက်နဲ့ ပိတောက်တစ္ဆေ ခြောက်လှန့် နေပြီ...။ သူထွက်သွားတယ်၊ ကျွန်တော် ကျန်ခဲ့တယ်...။ ကျွန်တော့်ဘ၀ရဲ့ အဝေး ကို သူထွက်သွားတယ်....။ ကျန်တော် ကျန်ခဲ့တယ်၊ သူနဲ့ကျွန်တော် ပါသွားသလား၊
ကျွန်တော်ဆီမှာ သူကျန်ခဲ့တယ်၊ သူ့ဆီမှာတော့ ... ... ... ... ... ... ... ။
ကျွန်တော်မသိလိုက်တဲ့ မုန်တိုင်းတွေက ကျွန်တော့်ရဲ့ပိတောက်ရနံ့လေးကို ယူသွား ခဲ့တယ်...။ ဟုတ်ကဲ့...ကျွန်တော်က အခုတော့ ပိတောက်ပင်ကြီးကိုမှီပြီး ပိတောက် ပန်လေးတစ်ပွင့်ကို လွမ်းနေတာပါ...။ သူထွက်သွားတယ်....၊ ကျွန်တော့် ကမ္ဘာနဲ့ အဝေးကို....။ အဲဒီနေ့က ပိတောက်က ပိတောက်ပန်းလေး ပန်ထားတယ်... ... ... ။